This summer season, goodbye na sa quizzes at recitation ang mga graduating students na nagmartsa sa 'Laro Laro Pick' game arena. Bago sila magsuot ng toga at makuha ang diploma, with high honors agad ang good vibes, tawanan at kulitan sa "It's Showtime."
Sa oras na siya'y maging empleyado, ang unang plataporma, este, plano ng future pulis na si Daniel, sibakin ang mga umaasa sa backer. Naku! Kinabahan si player Ken. Dahil kapag siya'y naging HR officer, ang kan'yang magiging tactic, i-hire ang mga tropang mag-a-apply 'matic'!
Handa na rin si Gav to conquer the real world, kahit alam niyang mahihirapan silang mga kabataan sa bagong takbo ng mundo. Hindi naman daw sinusukat ang pagkatao sa medalyang tinatanggap sa entablado. Pero, sabi nga ni Vice Ganda, hindi ibig sabihin na walang halaga ang kaalaman at edukasyon. Sa totoo lang, ngayon mas kailangang hubugin ang "dignity, integrity and intelligence."
Hindi kumpleto ang buhay kolehiyo kung hindi 'bumagsak,' as in na-fall ang puso. Congrats dahil 'graduate' na sa sakit si Jomel, na minsang nag-confess sa taong iniibig, ngunit "salamat" lang ang narinig. Pero kahit walang nakuhang sukli sa pagtingin na inilaan, nakatanggap naman siya ng malakas na palakpakan nang idaan ang nararamdaman sa isang beautiful interpretative dance.
Good vibes at pag-asa ang hatid ng “It’s Showtime,” Lunes hanggang Sabado, 12 NN, sa ABS-CBN sa ALLTV2, GMA 7, A2Z, Kapamilya Online Live (KOL) at iWant.