Congrats! Na-survive n’yo ang petsa de peligro! Tanggapin mo ngayon ang ‘yong sweldo, at namnamin ang Fri-YAY na panalo sa “It’s Showtime.” Ang naghatid ng bonus, walang iba kundi ang ‘other half’ ng “PBB Collab” Big Winner Duo, Brent Manalo, who’s embracing his new era bilang Lover Boy.
Sa Laro Laro Pick game arena, sumulong ang mga taga-Mandaluyong. Unang bumangka sa kuwentuhan si Elo, na expert sa pagpapaganda ng kuko. Dumadaan man sa existential crisis, na sabi ni Vice Ganda ay marahil epekto pa rin ng pandemic, kumakapit si Elo sa pag-ibig. Speaking of pandemic, sa mga panahong ‘yun nag-hello si ‘the one’ kay Elo. Pangarap ni Elo, makapagtayo ng negosyo. May tip si Meme kung paano sumakses ang business pero parang… mali?
Ang kulitan nauwi sa laro-larong barilan! Sina Meme at Ion, binalikan ang isang TikTok trend… kinulang nga lang sa timing! Eh, kung sina Kim Chiu at Anto, subukan natin! All-star cast naman ang aktingan sa pinakabagong paboritong round ng bayan, ang You Gotta Lyric. With special participation pa ni Brent, na nagpakita ng kilig chemistry with Jackie Gonzaga sa isang eksena.
Sa PILImination, si player Angie ang pinakamabilis sa challenge, na naghatid sa kan’ya sa final game kung saan P100,000 ang maaari n’yang mapanalunan.
Sa suporta ng anak na si Sofia, naging praktikal si Angie at pinili ang Li-Pot offer na P25,000. Good decision, mommy! Dahil nang basahin ni Vice Ganda ang POT question, na-mental block si Angie at natameme.
Good vibes at pag-asa ang hatid ng “It’s Showtime,” Lunes hanggang Sabado, 12 NN, sa ABS-CBN sa ALLTV2, GMA 7, A2Z, Kapamilya Online Live (KOL) at iWant.