Hindi lang sila famous sa pansit at puto. Pati good vibes ay bitbit ng mga taga-Malabon sa "It's Showtime" studio. Energy ay kanilang itinodo para sa 'Laro Laro Pick' ay ma-attract ang jackpot.
Naaliw sia Vice Ganda, Vhong Navarro at Jhong Hilario sa usapan with Felix, ang 25-year-old Madlang Player na rider. Sa barangay nila, siya ay basketball player. Game na 'minodel' ni Felix ang pasalubong na suman ni Daday. Ay, telegenic, ang taray!
Nakikitaan ni Meme Vice ng magandang kinabukasan si Felix, basta't magsisikap at never maggi-give up. Kaya hinikayat niya ito na tapusin ang pag-aaral. Balak kasi ni Felix na huminto muna pagka-gaduate ng Grade 12 dahil nahihiya sa kuya na nagpapaaral sa kan'ya. Pinaliwanagan ni Meme si Felix, aniya, hindi lang para sa sarili ang pag-aaral kundi para sa bayan.
Ginamit ni Vice na halimbawa at inspirasyon si player LJ, na nagsisikap sa kabila ng dobleng hirap bilang working student. Dagdag ni Vice, maraming kabataan na gustong pumasok sa eskwela ngunit walang pagkakataon, kaya hiling niya ay ma-inspire si Felix habang may kuya na tumutustos sa pag-aaral niya. "Sayang! Mag-aral ka. Ano, arte ka pa?" pabirong hirit ni Meme.
Good vibes at pag-asa ang hatid ng “It’s Showtime,” Lunes hanggang Sabado, 12 NN, sa ABS-CBN sa ALLTV2, GMA 7, A2Z, Kapamilya Online Live (KOL) at iWant.