MAYNILA — Hindi trip-trip lang ang taunang “kaway-kaway” o pagbati sa TV ng mga nasa likod at harap ng camera tuwing Pasko o salubong sa Bagong Taon.
Ilang dekada na ring bahagi ito ng pagsabay ng mga media worker sa selebrasyon na madalas ay panahong nakabakasyon o walang pasok ang karamihan.
Ayon kay Dondie Garcia, head ng ABS-CBN News production, naging paraan na rin ito ng pasasalamat o gantimpala sa news staff na minsan lang sa isang taon nakikita sa camera.
TVP BEHIND-THE-SCENES: Salubungin ang bagong taon sa newsroom!
Pakikiisa na rin nila ito sa kanilang mga kapamilya o mahal sa buhay na nag-aabang na makita sila sa screen.
Lalong naging posible ito sa pagdami ng mga camera na nagagamit sa newscast.Kuwento naman ng segment producer na si Sarah Herrera, nakakawala ng pagod din ito para sa kanila na tila nasulit din ang pag-duty tuwing holiday. – Ulat ni Anjo Bagaoisan, Patrol ng Pilipino
Video produced with Armand Derek Sol, Addie Cuadra & Paula Sunga
ALAMIN: Mga tradisyon ng iba't ibang pamilya tuwing Pasko