Big Winner sa good vibes ang April 20 episode ng "It's Showtime" dahil sa pagbisita ng one-half of the "PBB Collab" Big Winner Duo, Brent Manalo. OA na sa charisma, OA pa sa energy! Sino ba naman ang hindi mago-good vibes kay Brenty?!
Extra dose of happiness ang hatid ni Brent sa fans niya. Sunod-sunod ang mga pasabog na projects na aabangan sa kan'ya, including the launch of his EP (Extended Playlist). Yup, Brent is taking his 'singer era' to the highest level. Maging si Vice Ganda ay nasorpresa, pero very proud, sa achievement ng 'alaga' niya. Kung panalo si Brent sa takbo ng career niya, maging Big Winner din kaya siya sa game arena?
Malayo man ang pinanggalingan, nag-enjoy ang mga taga-Imus, Cavite na sumalang sa 'Laro Laro Pick’. Pabirong hinimatay si Vice Ganda dahil sa gulo ng usapan nila ni Dang, na para bang nasobrahan sa 'betsin.'
Game rin sa kuwentuhan si player Nimfa, na pinagsasabay ang trabaho bilang clinical instructor at pag-aaral. Hindi siya tumitigil sa pag-level up ng skills and knowledge, para mag-level up din ang posisyon sa trabaho.
Good vibes at pag-asa ang hatid ng “It’s Showtime,” Lunes hanggang Sabado, 12 NN, sa ABS-CBN sa ALLTV2, GMA 7, A2Z, Kapamilya Online Live (KOL) at iWant.