Sabi sa kanta, "buksan mo papasukin ako." Kapag may nag-'doorbell' at may 'ding dong' na tunog, mukhang may bisitang pasabog.
Sa April 10 episode ng "It's Showtime," napagkatuwaan nina Vhong Navarro at Jhong Hilario ang pagkikita nina Karylle at 'Laro Laro Pick' player Dingdong sa game arena. Nasorpresa si Karylle no'ng una at tila nahihiyang lumapit sa player, pero natuwa naman nang batiin siya ni Dingdong at tawaging 'Sang'gre Alena,' ang iconic character na ginampanan niya noon.
Hindi lang si Dingdong ang maipagmamalaki ng lugar nila. Dahil ang Novaliches, pugad pala ng hip-hop! Yeah, yeah, yeah! Smooth ang beat at bars, baby! Hip-hop mood ang buong studio nang hawakan na ni Aaron ang mikropono. Bukod sa rap na sample, ibinida rin niya ang sariling kanta, titled "Only You," na dedicated sa dating nobya, pero ngayo'y kaibigan na lang sa kan'yang mga mata.
Tuloy-tuloy ang kantahan hanggang 'You Gotta Lyric' round. Dahil love niya ang Novaliches—as in, love i-mispronounce—si Cianne ang leader of the band, singing "Torete."
Bawal naman ma-'torete' sa jackpot round. Dapat klaro ang desisyon kung POT ba o LI-POT ang magiging direksyon. Feeling blessed si Nanay Tess dahil nag-promise si Kim Chiu na magbibigay siya ng bigas, isang sako! Deserve 'yan ni Nanay, na malaki ang puso sa pagseserbisyo sa kapwa.
Sinugalan ni Nanay Tess ang Pot question, ngunit hindi niya ito nasagot nang tama. Gayunpaman, malaking tulong na ang bigas mula kay Kim, at dinagdagan pa ni Jhong ng isa pang sako.
Good vibes at pag-asa ang hatid ng “It’s Showtime,” Lunes hanggang Sabado, 12 NN, sa Kapamilya Channel, GMA 7, ALLTV, A2Z, Kapamilya Online Live (KOL) at iWant.