Bongga ang finale ng weeklong 16th anniversary celebration ng "It's Showtime.” Isang red-carpet awarding episode ang inihanda kung saan nakatanggap ng "AWAAARD!" ang most iconic playtime at ‘amats’ moments ng "It's Showtime" hosts sa nakalipas na 16 taon.
Parte ng show ang mga pagkakataong kumurot sa puso ng madlang people o mga moments na ipinakita ng hosts ang kanilang vulnerable sides. Sina Anne Curtis, Ogie Alcasid, Vice Ganda, Kim Chiu, Lassy, Ryan Bang at Ion Perez ang mga nominado sa "Cry 'Yan Cayabyab Award." Nag-triple tie sina Vice, Ion, at Ryan sa nasabing parangal.
Sa kanyang acceptance speech, pinasalamatan ni Ion ang buong "It's Showtime" family sa pagtanggap sa kanya. Pinigilan ni Ion na maiyak habang nagsasalita ngunit ramdam kung gaano kalaki ang pasasalamat at pagmamahal niya sa buong programa.
Good vibes at pag-asa ang hatid ng "It's Showtime," Lunes hanggang Sabado, 12 NN sa Kapamilya Channel, Kapamilya Online Live (KOL), A2Z, GMA 7, at iWant.