MAYNILA — Sa halip na mga kilalang artista, tampok ngayon sa kantang “Kapamilya Forever” ng ABS-CBN ang mga natatanging tinig ng mga ordinaryong Pinoy, mga manggagawa, estudyante, guro, at iba pa na may kani-kanyang kwento, talento, at inspirasyon.
Unang napakinggan noong 2020 ang "Kapamilya Forever" na nagsilbing paalala ng pagkakaisa at pagmamalasakit sa gitna ng matinding pagsubok.
Makalipas ang limang taon, muling binuhay ito sa mas makabuluhang paraan, sa pamamagitan ng pagpapakita ng galing ng karaniwang Pinoy sa pagkanta.
Hindi pa rin makapaniwala ang ilan sa mga umawit–na nagmula pa sa iba-ibang probinsya at nag-viral ang mga video ng pagkanta–na napabilang sila sa proyekto.
Ayon sa isa sa nagsulat ng kanta na si Robert Labayen, bunga ang 2025 version ng inspirasyon mula kay ABS-CBN President and CEO Carlo Katigbak, na nagnanais bigyang-pansin ang husay at kwento ng bawat Kapamilya, saan man sila nagmula.
Mapapanood ang buong video rito.
– Ulat ni Ganiel Krishnan, Patrol ng Pilipino
Video produced with Butch Rowel Liray
Patrol ng Pilipino: Ang kuwento ng salitang ‘Kapamilya’
ABS-CBN anthem 'Kapamilya Forever' finds new voice in everyday Filipinos
ABS-CBN stars sing their hearts out in new Kapamilya Channel Station ID