Panganay sa tatlong mga anak ng former actress and asian games champion equestrienne Mikee Cojuangco at Pasig Vice Mayor and former basketball star Dodot Jaworski si Robbie Cojuangco Jaworski.
Ngayon, siya naman ang sasabak sa spotlight bilang pinakabagong talent ng ABS-CBN Star Magic.
Bata pa lang, ipinaunawa na sa kanilang magkakapatid ang realidad ng trabaho na meron ang kanilang mga magulang.
Kwento niya, "Gowing up, they used to tell us talaga na hindi normal yung buhay niyo. Dad ko is a congressman back then, na may security siya dahil may mga death threat. Siyempre may obligasyon din sila to be responsible, pinapakita nila na tama din yung kilos nila. But people will be surprised to see how simple 'yung entire lifestyle po namin."
Ang pagpasok ni Robbie sa showbiz ay isang desisyon na matagal niyang pinag-isipan lalo’t hindi siya nahilig sa pagpe-perform kahit noong nag-aaral siya.
Sabi niya, "2014, I was initially asked to join Pinoy Big Brother. But, my family and I weren't comfortable at that time I was only 14 years old. Tapos 2020, bumalik na naman po 'yung mga opportunities. And then, I was not so confident that I wanted to enter. Nagtrabaho muna po ako. So, I got corporate experience. And then, one time, parang pumasok ulit yung isang opportunity this year. Tapos pinagdasalan ko po. I spoke to my parents about it."
Kaya ngayon, todo training siya sa pag-arte, pagsasayaw, pagkanta, hosting, at iba pang workshop ng Star Magic. Mapapanood na rin siya sa MYX bilang isa sa newest VJs.
Ulat ni Andrea Taguines para sa programang Tao Po. (December 15, 2024)
Mapapanood ang mga episode ng Tao Po dito.